DOEA SOBAT.
nang” dan boleh bajar harganja’ itoe doea glas minoeman.
Dari sitoe marika teroes djalan-djalan lagi dan meliat-liat apa jang ditontonken di sasoeatoe stand. Roepanja marika boekan ada orang-orang jang gampang djadi bosen. Lagi doea kalih marika liwat di depan itoe restaurant, dan satoe kalih marika masi liat itoe gadis doedoek di tempat jang tadi Kim djin doedoekin. Marika kombali membri hormat, tapi waktoe boeat kadoea kalihnja marika liwat lagi di sitoe, ternjata itoe gadis bersama doea penganternja soeda tida ada.
Boleh djadi ini hal djoega jang membikin Liang-hoen mendadak rasaken loetoetnja pegal, hingga ia berkata pada kawannja:
„Baek kita poelang, Djin, sekarang soeda ampir djam satoe.”
„Baeklah, akoe sih toeroetin sadja kaoe poenja maoe.”
Bagitoelah itoe doea sobat kaloear dari pekarangan Pasar Gambir.
,»Boelan Poernama”™ No. 13.
5
