II
„DIA.....”
„Siapa? Apa kaoe kenal padanja ?”
Inilah ada pertanja’an-pertanja’an jang Kim-djin madjoeken pada Liang-hoen waktoe marika soeda berada di dalem kandara’an jang bakal bawa marika ka masing-masing poenja roemah.
„Akoe kenal padanja, tapi siapa itoe, itoe akoe belon taoe betoel, dan djoega tida ingin kasi kaoe taoe, maskipoen akoe soeda kenal baek padanja.”
„Apa kaoe kira akoe toekang merampas ?” tanja Kim-djin sambil tertawa.
„Boekan bagitoe, tapi . . . . ”
„Tapi apa ....? Kaoe koeatir, djikaloe kaoe bilang teroes-terang, akoe aken djadi kaoe poenja saingan, boekan ?”
Liang-hoen mesem.
„lida heran, memang djoega itoe gadis ada tjantik dan eilok, Hoen, hingga dengen gampang ia bisa tarik orang poenja perhatian.”
„Bilang sadja, tarik orang poenja hati, saperti djoega baroesan ia telah tarik kaoe poenja hati.” ;
„Sesoesoedanja tarik ampir seantero kaoe poenja soemanget,” menjamboeng Kim-djin.
6
