Koetika moesti naek di kandara’an, Kim- djin merasa girang sekali lantaran dapet koetika boeat pegang lengannja Siok-nio jang montok, jaitoe di waktoe itoe gadis hendak naek.
Sesampenja di depan toko, iboenja Siok- nio hendak bajar onkostnja itoe kandara’an, tapi Kim-djin menolak keras.
»Biar sadja akoe jang bajar, djikaloe akoe Sampe di roemahkoe; onkost taxi toch tida sebrapa, entjim !’”
»Aih, ’bah”’, kata itoe njonja toea, ,kaoe bikin akoe djadi maloe! Tapi, .... trima kasi, trima kasi banjak boeat apa jang kaoe telah berboeat goena kita ini malem.”
»lrima kasi kombali, entjim,”’ djawab Kim-djin, ,nah sekarang akoe hatoerken slamet malem.”
fa manggoet pada iboenja Siok-nio dan pada itoe gadis ia angsoerken tangan! Ia tida perdoeli, boleh atawa tida ia berboeat bagitoe, tapi pakeannja itoe gadis membikin ia dapet anggepan bahoewa tida ada ha- langan ia berdjabatan tangan.
Siok-nio poen lantes angsoerken tangan dan oetjapken perkata’an: ,Slamet malem !” dalem bahasa..... Blanda.
Kim-djin mesam dan memandang pada itoe gadis, jang djoestroe djoega memandang padanja. Menoeroet kabiasa’an, kedjadian bagitoe diseboet contact’, saperti djoega
