PEGANG RESIA.
kalih, antaranja satoe kalih di itoe malem djoega di roemahnija.″
„Kombali kaoe mendjoesta,” kata Kimdjin, jang ingat di itoe malem ia djalan berendeng dengen itoe gadis jang dimaksoedken, hinggah tida bisa djadi Liang-hoen bisa katemoeken itoe gadis di roemahnja.
„Kaoe tida pertjaja, ja, soeda !”
Kim-djin angkat poendak, tapi ia tida berkata apa-apa lagi. Bebrapa lamanja itoe doea sobat doedoek diam sadja. Asep sigaret jang haroem mengeboel dari marika poenja moeloet. Masing-masing sedeng lajangken pikiran.
„Apa kaoe ingin berkenalan dengen ia ?” tanja Liang-hoen kamoedian.
„Akoe toch soeda berkenalan dengen itoe gadis ?” djawab Kim-djin.
„Kapan ?” tanja Liang-hoen dengen merasa terprandjat. „Di itoe hari, di Pasar Gambir !”
„O, tapi itoe tida ada artinja. Kaoe bitjara poen tida dengen ia, itoe artinja boekan berkenalan. Akoe sendiri, saperti akoe soeda bilang, baroe taoe omong satoe doea kalih, tapi tida ada djahatnja djikaloe akoe tjoba mendekatin padanja.”
„Dan baroesan kaoe tanja padakoe, apa akoe soeka berkenalan dengen ia.”
„Tentoe, tapi akoe harep kaoe tida nanti djadi akoe poenja saingan.”
18
