DJOEGA DAPET KEMADJOEAN.
simpen resia, tida bitjara satoe apa tentang ia poenja pertemoean dengen itoe gadis, tapi Liang-hoen banggaken ia poenja pertemoean.
„Djikaloe kaoe ikoet padakoe,” bagitoe ia berkata, „tentoe kaoe lebih bergoembira dari pada sekarang.”
„Apa sebabnja ?”
„Sebab kaoe aken bertemoe poela dengen itoe gadis.”
„O, bagitoe ! Djadi kaoe bertemoe dengen ia ? Di mana ?”
„Kaoe toch taoe akoe bermaksoed boeat pergi ka Zandvoort. Di mana lagi kaloe boekan di sana.”
„Apa dari sini kaoe lantes pergi ka sana ?”
„Betoel, akoe tjoema mampir sabentaran di roemahkoe boeat ambil akoe poenja Kodak.”
„Tida bisa !”
„Apa, tida bisa ?”
„Jang kaoe bertemoe dengen itoe gadis di sana.”
„Allah, tobel, apa kaoe tida pertjaja akoe poenja omongan ?”
„Pertjaja si memang akoe maoe pertjaja, tapi akoe koeatir ini sakalih kaoe mendjoesta.”
„Soenggoeh mati, akoe bertemoe dengen ia. Ia djalan-djalan bersama ia poenja soedara lelaki,” kata Liang-hoen.
27
