TIDA DJADI LEBI TERANG
„Oooooooo!! Dan ....?”
„Kaoe tentoe masi ingat, bebrapa minggoe berselang akoe dateng di kaoe poenja toko dan beli sigaret?”
„Ja, itoe akoe ingat.”
„Tapi di itoe djem djoega akoe poenja sobat bilang ia bertemoe dengen kaoe di Zandvoort.”
„Aih loetjoe sekali.”
„Itoe waktoe katanja kaoe dianter oleh kaoe poenja soedara lelaki.”
Siok-nio tertawa.
„Akoe djadi bingoeng, maka akoe tanja pada kaoe baroesan, apa kaoe brangkali taoe, jang di Betawie ada orang jang sama roepanja dengen kaoe.”
Siok-nio tinggal tertawa sadja, tapi lebi anteng dari tadi, hingga ia moesti toetoepin moeloetnja dengen sapoe-tangan.
„Apa kaoe pertjaja kaoe poenja sobat?”
„Akoe betoel-betoel bersangsi. Biasanja ia tida pernah mendjoesta di hadepankoe, tapi sekarang akoe moelai sangsiken, apa ia selamanja berlakoe djoedjoer di hadepankoe.”
Sekarang marika poenja pembitjaraan menoedjoe ka laen djoeroesan dan pertoendjoekan poen dapetken lebih banjak perhatian dari marika. Koetika itoe pertoendjoekan selesih, kombali Kim-djin anter itoe iboe
33
