SAJOE HAL JANQ TIDA TERDOEQA.
sebagi itoe katjoeng toekang gosok sepatoe. Akoe tjari roemah penginapan laen, dan sekarang roepanja akoe poenja bintang moelai djadi terang. Akoe dapetken saorang prampoean satengah toewa jang soeka trima akoe menoempang dengen trima bajaran tigapoeloeh roepia. Di roemahnja akoe menoempang dan ia oeroes betoel akoe poenja kaperloean. Boleh djadi ia lebih roegi dari pada oentoeng, kerna akoe selaloe dapet makanan jang ledzat. Roepanja ia soeka padakoe, kerna ia tinggal sendirian sadja dan di waktoe malem akoe djadi bantoe mendjaga roemah.
„Pelahan dengen pelahan akoe mendoesin bahoea akoe perloe mempoenjai lebi banjak pengatahoean boeat dapetken kemadjoean. Akoe moelai beladjar lebi djaoe dengen toeroet roepa-roepa cursus di waktoe malem. Dan sekarang sesoedanja liwat toedjoe taon, sesoedanja mempoenjai bebrapa diploma, akoe beroentoeng diangkat djadi pengoeroes boekoe dalem itoe kantoor djoega di mana sadari permoela akoe bekerdja."
Penoetoerannja Kim-djin djadi poetoes, kerna saorang Blanda menghampiri njonja roemah, pada siapa ia angsoerken tangan dan tanja: „Banjak baek?" Satelah berdjabatan tangan dengen njonja roemah, itoe tetamoe menoleh pada Kim-djin pada siapa ia berkata: „Zoo, Djin, kaoe lagi apa di sini?"
40
