SATOE HAL JANG TIDA TERDOEGA.
meloeloe ada boeat bertemoe dengen Siok-nio. Tapi... ach, akoe soeda dapet katerangan jang menjenangken tentang ia poenja diri. Lagi ia ada satoe anak piatoe, hingga djikaloe ia menikah dengen Siok-nio marika boleh beroemah-roemah sendiri, atawa djikaloe ia soeka ia boleh tinggal djoega di sini bersama-sama kita. Dengen bagitoe Siok-nio poen tida perloe „kaloear pintoe." Akoe tjoema toenggoe sampe ia boeka moeloet. Samentara itoe akoe tida nanti merasa kaberatan, djikaloe ia beromong-omong di sini dengen Siok-nio, tapi jang laen moesti menjingkir. la nanti boleh salah liat dan bikin kaloet keadaän."
Itoe malem djoega itoe njonja bitjaraken itoe oeroesan dengen ia poenja poetra lelaki, jaitoe Tjin-tek.
„Akoe poen maoe berkenalan dengen ia," bagitoe Tjin-tek berkata. „Djikaloe memang ia bekerdja sebagi pengoeroes boekoe, tenaganja memang kita bisa pake di sini. Tjoba djikaloe ia dateng lagi iboe kasi akoe berkenalan dengen ia. Akoe nanti maoe minta ia poenja bantoean boeat oeroes kita poenja boekoe-boekoe di waktoe sore. Akoe kira, djikaloe ia bisa, tentoe ia tida menolak. Samentara itoe kita bisa selidikin lebi djaoe ia poenja tingkah lakoe, djikaloe iboe memang mengandoeng maksoed soeda tetap saperti baroesan iboe bilang."
42
