SATOE HAL JANG TIDA TERDOEQA.
djikaloe itoe waktoe ia dapet oewang sariboe roepia dengen tida oesa kaloearken tenaga sama sekali, tentoelah ia tida merasa bagitoe girang saperti di itoe waktoe
„Betoel satoe malem jang beroentoeng boeat akoe,” bagitoe ia berpikir, „mendadak sontak ia tawarken akoe pakerdjaän. Dengen bagitoe saban malem akoe poenja harepan boeat bertemoe dengen itoe gadis. Tapi apakah ini hai aken membawa padakoe lebi dekat pada apa jang akoe maksoedken? Apakah Tjin-tek nanti soeka kasi ia poenja soedara menikah pada orang jang djadi ia poenja koeli ? Sebab satidanja akoe aken djadi ia poenja koeli. Dan . . . . . . Tjin-tek.”
Mendadak itoe djedjaka merengoet.
„Benar akoe tida mengarti,” bagitoe ia berkata. „Tjin-tek ada itoe nama jang Liang-hoen telah seboet saperti namanja soedara dari itoe gadis jang diketemoeken olehnja di Zandvoort. Tapi akoe dengar terang sekali bahoewa itoe gadis diseboet Siok-nio oleh iboenja, tapi itoe gadis jang diketemoeken oleh Liang-hoen oleh soedaranja diseboet Seng-nio. Apa Liang-hoen poenja koeping saparo boedek, atawa akoe jang toeli !”
Ia pikirin ini hal tida abisnja, tapi ia poenja kagirangan sapoe segala pikiran, hingga tida lama kamoedian ia soeda djadi poeles.
47
