64
TJERITA ROMAN
mengintip . . . . . . . .” Ia tida dapet landjoetken, tenggorokannja seperti terkantjing.
„Ja, kenapa, neef?" tanja 'ntjék Hok-soei dengen soedah mendapet firasat djelek.
„’Ntjék . . . . . . . . . . . . akoe menampak, di dalem itoe klamboe . . . . . . . . Tjiap . . . . . . . . . . . . menggantoeng . . . . . . . . . . . .” Tiong-gie berkata.
Itoe ajah tertampak sanget terkedjoet, kemoedian kata: „Anakkoe . . . . . . . .!” Ia aken mendjerit, tapi Tiong-gie tahan iapoenja moeloet.
„’Ntjék, djangan keboeroe geger, itoe belon terang. Mari tjoba kita toeloeng padanja, barangkali belon lama . . . . . . . . Tapi kontji lebih doeloe pintoe kamarnja 'ntjim dari loear agar ia tida menampak pemandengan selagi masih heibat . . . . .”
Liong-séng dikasih bangoen. Tapi ’ntjim Hoksoei dikontji'in dalem kamarnja.
Marika bertiga boeka kamarnja Tjiap dengen paksa, pintoe terboeka, seperti satoe singa Tionggie singkap itoe klamboe, naek atas randjang, dengen tjepet potong itoe iketan, peloek toeboehnja Tjiap . . . . . . . . .” tapi, ah, soedah kasep! Tjiap poenja toeboeh jang molek, telah bekoe sebagi saldjoe!
Tjiap poenja iket pinggang dari soetra, telah achirken iapoenja keisah!
