77TJERITA ROMAN
’HIDOEP’77
merah semringah sebagi boeah delima terbelah, dengen gigi-giginja jang poetih meletak meroepaken sebagi rentjengan moetiara jang lagi intip-intip di moeloet kerang jang lagi menanti korban.....
Toeboehnja itoe pemoeda tertampak koeroes dan moekanja poetjet, kerna brapa malem tida dapet tidoer, dan oepama dapet poeles, tapi tjoema sekedjapan, kerna impian-impian tentang Tjiap laloe sedarken padanja.
Tapi dalem iapoenja menang-menoeng, ia poen merasa selaloe terganggoe, seringkali iapoenja telinga seperti denger soeara tindakan kaki jang ia ingetin seperti tindakan kakinja Tjiap, memboeka pintoe, membatja koran atawa maenan dengen kembang. Atawa djika ia lagi lajap-lajap, ia soeka lantas bangoen dengen gelagapan, kerna bibirnja merasa tertempel oleh laen bibir.... Atawa kapan ia tida dapet tidoer, ia kloear di kebonan, gadangin sang remboelan jang lagi sorotken tjahajanja jang permei atawa gadangin itoe kembang-kembang jang lagi megar dan mengisep emboen, ia menampak dengen teges, Tjiap seperti lagi memetikin kembang.
„Oh, Allah! Boleh djadi akoe soedah gila!” Tiong-gie mengeloeh, sambil tengkoerepken moekanja atas medja dan basahin medja itoe dengen aer-matanja. „Apa artinja hidoep bagikoe, hi-
