— 15 —
nja en di lajanin satoe persatoe oleh si MIRAN, jaitoe djongosnja. Permoela di antara njang bersantap itoe tida terdenger soeatoe soeara, kesepian mana telah di pademken oleh HOK OEN njang mengotje; „Ini hari ada harian si MIRAN mage kawin (bertoendangan)". MIRAN kita, njang lagi melajanin en ada memake stangan kepala baroe, roepanja mendjadi mera lantaran maloe en ampir sadja ia djatoken sendok, setelah maoe bagi makanan pada madjikanja.
„Tadi ia beli aer wangi sebotol," meneroesken HOK OEN tjeritahnja, ,,tadi ia ngomong pada akoe."
ENG TJAIJ keroetken djidatnja sama djoega ia lagi mendengerin, dengen teliti.
„Kapantah moe kawin, MIRAN?" menanja HOK OEN lagi serenta awasin ini kali pada boedjangnja njang lantaran kemalocan soeda lantes tjepet-tjepet singkirin dirinja en herdiri di blakang madjikannja sembari mengasi HOK OEN tanda-tanda soepaia djangan menjeritahken halnja terlebi djaoe en............ njang soeda tentoe HOK OEN tida boeat ladenin.
Dengen garpoe ENG TJAIJ toesoek sepotong ikan en soempelken itoe di mana moeloetnja HOK OEN, soepaia ini djangan mengotje sadja; tetapi baroe sadja ikan itoe habis di makan, apa maoe soearanja HOK OEN terdenger poela.
„Pa, apatah papa maoe persen si MIRAN boeat ia ampoenja hari nika?", menanja HOK OEN serenta djangoetnja di tandelken di sikoet njang ia taro di medja boeat bisa meliat aer moeka papanja terlebi teges.
