— 165 —
njang tebel atawa apatah nanti terdjadi satoe keadjaiban goena anaknja itoe?
Tida, itoe sama sekali tida. Allah nanti goenahken kwasanja en soeroe ambil sang anak itoe dengen tjaranja njang amat adil. Sepegimana ia doeloean kirim pengiboernja, begitoe poen sekarang ia nanti prenta kwasanja itoe. Sepegimana doeloean terdjadi tida dengen keadjaiban atawa laen-laen sebaginja, tetapi tjuema dengen mengasi seroepa obat poeles, begitoe poen sekarang, zonder goenahken pekakas ini atawa itoe, ia nanti soeroe panggil HOк OEN padanja.
„Mengomong dong, enko HOK OEN, djangan tidoer doeloe. Akoe belon dongeng. Papa bilang, njang ini malem akoe boleh tjeritahken kau satoe dongengan njang bagoes. Apatah akoe boleh tjeritahken itoe sekarang?"
Zonder menoenggoe djawaban soedaranja, GOAN OEN moelain tjerita.
Terlebi seroe dan njata kedengeran itoe soeara njanjian dan mengrisik, tetapi ini kali ia tida iboekin itoe lagi Masi sadja soeara itoe tida maoe brenti, malahan terlebi seroe dan njata bermoenjinja. Tetapi itoe pikiran sangsi dan hati njang koerang poeas sekarang boeat slama-lamanja telah tida menggoda padanja lagi. Terlebi terang dan njata ia denger itoe njanjian, begitoe santer, sampe ia mendjadi mabok en bingoeng. Semoea rasanja terpoeter en bergojang di sekiternja, en seperti maoe membela dirinja ia boeka matanja. Apatah matanja dapet liat? Disitoe, di depannja, tjantik srenta bersi, terliat roepa iboenja dengen se-
