— 48 —
OEN njang lantes lompat sadja dari krosi en tepok-tepok tangan. „Pa, aernja ke matengan.” Kepaksa ENG TJAIJ moesti toenda bitjarakannja en samperin teko aer njang betoel meloewap HOK OEN tertawa begitoe geli sampe ENG TJAIJ poen kepaksa moesti tertawa.
„Soeda dah akoe soenggoe tida sanggoep boeat omelin si HOK OEN”, mengata ia seorang diri.
„Papa poenja sala”, mengata HOK OEN.
„Kenapa papa tida soeroe akoe masakin aer?” Papa toch taoe betoel njang slamanja akoe en GOAN OEN njang kerdjahken itoe en kenapa papa tida soeroe akoe. O, kaga maoe meloewap lagi.”
HOK OEN tertawa, tetapi ENG TJAIJ njang baroesan denger namanja GOAN OEN di seboet, soeda balik memikir pada anaknja njang sakit, kerna GOAN OEN sakit ada lantaran enkonja. Begitoelah sekarang ENG TJAIJ pesen en antjem anaknja, njang djika ia denger apa-apa lagi dari si ISAH ia nanti goenaken rotan.
HHK OEN keliatannja menjesel sekali en berdjandji berkali-kali aken tida bengal lagi.
„Anak ketjil, anak ketjil djoega,” mengata ENG TJAIJ seorang diri. „Selagi di omélin sadja ia inget en brasa menjesAl, tjoba sesoedanja.....??”
Boeat bebrapa saät tida terdenger apa-apa, kesepian mana telah di pademken oleh HOK OEN njang dengen mendadak berkata: Pa!”
„ada apa HOK OEN?” menanja ENG TJAIJ srenta taro boekoe njang ia lagi sedeng batja.
„Pa,” meneroesken HOK OEN. ”Papa kemana sadja kaloe papa kaga di roema?”
