— 76 —
njang ia ada mendjadi sebab, HOK OEN kloear en pergi ke kebon.
Ah sepi amat ia rasahken sendirian, zonder adenja, tetapi memang dasarnja anak ketjil, begitoe lah ia tida terlaloe iboekin, kerna GOAN OEN memang sering sakit, tetapi lekas semboe lagi. Toch ia rasahken tida begitoe senang kaloe GOAN OEN tida ada sama-sama padanja. Tidakah ia goembira sekali kapan meliat adenja tepok-tepok tangan lantaran kegirangan? Tetapi sekarang apa boleh boeat. Ia moendar-mandir di kebonja en ketemoe si MINA lagi sirem-sirem poehoen njang lantes sadja, olehkerna tida ada laen, ia anggep sebagi temennja. MINA sebetoelnja kenal betoel dari HOK OEN poenja keadahan, apa lagi itoe tempo, O di dalem mana HOK OEN di tinggal oleh iboenja, masi sadja ia tida bisa loepahken. Hatinja brasa kasian pada HOK OEN en masi sadja inget pegimana HOK OEN nangis sembari gegoelingan seperti orang poetoes pengarepan.
Saban hari MINA sirem poehoen djamboenja njang djika berboea, ia maoe kasih pada HOK OEN. Apa lagi MINA inget itoe hari njang mendoeng, di tempo mana maitnja njonja ENG TJAJ di gotong ke koeboer en HOK OEN sorenja moendar mandir sendirian sadja di kebon seperti maoe tjari pengiboer. Ah ngeneslah liatinja en ia poen zonder ketaoean lagi, soeda djatohken aer matanja. Sekarang HOK OEN dapet banjak kerdjahan di kebonnja en bekerdja teroes dengen radjin. Tempo-tempo ia bantoein MINA menjirem poehoen. Djoega ia tjeritahken, njang si MINA, di moesin
