— 390 —
XV.
DOEA FIHAK MALOEMKEN PERANG, SAT
TAUW-TO KALOEARKEN ILMOE KA-
LAKEN PASOEKAN KIMGO.
_______
Kiong To jang itoe waktoe soeda diangkat djadi radja, kaliatan ada girang sekali. Satiap hari doedoek minoem-minoem bersama Sat Tauw-to sembari bikin moefakatan boeat menjerangKimgo.
,,Maski sekarang kami soeda doedoek mendjadi radja, tapi rasa koeatir masi belon linjap dari hati, kaloe sabegitoe lama Lie Tjhoen jang terkanal gaga, belon dibasmi," kata ini radja tetiron: ,,maka boeat bikin binasa itoe semoea orang jang mendjadi kita poenja halangan, Koksoe ada mempoenjai daja apatah jang baek?"
,,ltoelah Taij-ong troesa boeat koeatir," saoet Sat Tauw-to: „kerna kaloe Lie Tjhoen brani dateng ka mari, dengen kaloearken sedikit ilmoe Pinto bikin marika tida bisa balik kombali kapoelonja."
Kiong To djadi amat girang dan lantas soeroe orang sediaken lagi satoe kambing moeda jang dipanggang satenga mateng. Hoan Tjeng djadi soeka hati meliat kadojanannja itoe ditamba lagi, maka sigra djoega ia tamba kombali arak ka dalem gelas dan minoem dengen sagala soeka hati.
