— 42 —
"Tapi ini toedjoe dorna, sabagimana kaoe tentoe taoe, ada itoe orang-orang jang amat djahat dan berbahaja," kata Lie Kong lebi djaoe: "brapa banjak anak negri jang dipidjit, dianiaja dan persakiti, itoelah tida kataoean. Maka boeat hoekoeman boewang ada terlaloe enteng. Maka akoe panggil padamoe, maoe soeroe lakoeken satoe pakerdjahan boeat bikin abis djiwanja marika itoe, bagimana kaoe poenja pikiran ?“
"Boleh sekali.“ saoetnja dengen gembira: "kaparat-kaparat jang begitoe memang ada lebi baek diabisken sadja djiwanja.“
Sakaloearnja dari sitoe, Ong Thiat-tiang lantas bersadia-sadia, jang begitoe oppas-oppas pengiring, persakitan berangkat, ia poen mengikoeti dari blakang,
Di djalanan, Tjoa Keng jang ada lebi tjerdik, lantas berkata pada Ko Kioe:
"Kita poenja perdjalanan boekannja deket. Maka dalem sapandjang djalan itoe, haroeslah kita bisa mengambil-ngambil hatinja oppas pengiring, soepaja ia berlakoe baek. Kerna sekarang kita ada djadi persakitan, tida bisa oenjoek lagi kakerenan seperti doeloe.“
"ltoelah bener sakali,“ kata Ko Kioe: "akoe poen rasa haroes berlakoe demikian."
"Laen dari begitoe,” kata poela Tjoa Keng:
