— 62 —
pada itoe sakalian panglima-panglima jang berkoempoel: „kaloe ini malem kita kaloearken barisan menjerang pada moesoe? Kaloe kita, beroentoeng bisa lawan Kian Lie-poet, pastilah kita-orang bakal trima pahala jang menggeterken doenia, hingga si toea bangka jang denger itoe, pasti boleh djadi djengkar lantaran maloe dengen kalakoeannja?“
„Oh, soeka! tentoe soeka sekali!“ treak itoe sakalian penggawe-penggawe perang dengen lakoe goembira.
Tiauw Peng-tiong djadi amat girang, sigra djoega disadiaken sendjata dan laen-laen barang kaperloean boeat sabentar malem menjerang benteng moesoe. Tapi itoe waktoe djoestroe ada sala satoe soldadoe jang berboeat kasalahan, hingga dengen goesar Peng-tiong laloe tangkep dan djatoken hoekoeman boenoe.
Bebrapa panglima jang liat itoe, lantas dateng mintaken ampoen, dengen alesan: sabelonnja kaloear perang, djangan binasaken soldadoe sendiri, kerna itoe ada sabagi alamat jang koerang moedjoer.
Kerna kabanjakan orang jang mintain ampoen, maka soldadoe itoe lantas dibebasken dari hoekoeman tabas, hanja dirangket sadja saratoes rotan.
Sahabisnja mendjalanken hoekoemannja, ini
