— 63 —
satoe laskar djadi amat sakit hati dan lantas lari ka pasanggrahan moesoe, aken boeka itoe rasia jang oleh kapala perangnja telah diatoer. Lantaran mana, membikin Kian Lie-poet lantas bersadia dan bikin pendjagahan dengen tegoe boeat tangkis datengnja moesoe.
Pada waktoe hari moelai malem, Tiauw Pengtiong laloe siapken balatentaranja doeapoeloe riboe dan bersama sakalian panglimanja ia berangkat ka Thobokoeng.
Satelah sampe di itoe tempat, soeda kira-kira djam tiga, Di tempat moesoe tida ada kaliatan gerak-gerakan jang menjoerigaken, maka panglima itoe laloe kaloearken prenta boeat lantas madjoe.
Tapi, sasoedanja diserang kalangkaboet, baroelah kataoean bahoewa benteng jang dikepoeng itoe ada pasanggrahan kosong. Tapi berbareng itoe dari bebrapa pendjoeroe ada kadengeran soeara tamboer dan gembreng, jaitoe barisan Kim jang semboeni pada kaloear, dan menjerang soldadoe Song.
Satoe pertempoeran heibat lantas terdjadi,
Kerna Kian Lie-poet soeda atoer pikatan, maka sasoedanja dilakoeken pertempoeran sakean lama, achirnja di fihaknja Tiauw Peng-tiong jang dapet karoesakan besar. Dan ini panglima jang maski ada gaga dan brani, toch achir-achir moes-
