— 71 —
Tiauw Peng-tiong jang tatkala itoe soeda berloetoet, lantas bangoen dengen hati girang, kerna njatalah maksoednja itoe telah kasampean.
Sigra djoega ia bangoen dan ikoet itoe orang pertapahan, dengen tida menanjaken soeatoe apa.
Tentang pertapahannja Tiauw Peng-tiong dalem boekoe Tionghoanja, tjoema ditoetoerken sadja dengen ringkes, jang ada sabagi berikoet:
Selang limapoeloe taon blakangan, jaitoe sasoedanja Keizer Hauw-tjong doedoek mamerenta, Gouw Koen poenja Hoan Seng-twa jang berpangkat Kiam-lam-tjoe-hong-say pada waktoe liwat di goenoeng Tjengsiasan, ada dapet liat pada Tiauw Peng-tiong, jang itoe waktoe berewoknja soeda djadi pandjang dan meliwatken peroet. Kerna orang jang maoe bertapa ini memang ada satoe panglima jang tinggi besar dan bermoeka semoe mera.
Lebi djaoe orang jang katemoeken itoe dapet liat djoega, bahoewa Tiauw Peng-tiong poenja sapasang mata ada kaliatan seperti menjala. Dengen soeara keras ini dewa bertreak, hingga di seantero goenoeng djadi seperti bergerak.
Sasoedanja masoek dalem kalangan dewa, koelmannja poen ada toeroet bersama-sama Orang pertapahan terseboet toenggang ia poenja koelman, jang sahabisnja bertreak lantas terbang ka oedara. Inilah ada ternjata jang Tiauw Peng-
