hal harta peninggalan iaorang poenjaajah, Radja Leopold II.
Perkara itoe, lebi djaoe ada diwartaken djoega dalem halaman kabar kawat oleh soerat kabar Sin Po, jang terbit pada 7 April 1913. Kabar kawat itoe, dikirimdari Brussel pada tanggal 3 dari boelan terseboet, jang boenjinja ada sabagi dibawa ini
Hof van Appèl soeda toelak apellan penghabisan, dalem perkara harta peninggalannja Radja Leopold, jang dimadjoeken oleh ia poenja poetri-poetri, kerna ditimbang, barang-barang miliknja Niederfullbacher Stichting ada kapoenjahannja negri Belgie, boekan poenjanja baginda almarhoem.
⁂
Manoesia poenja tabiat, sedikitnja misti ada jang tida sama satoe pada laen, maka poen orang poenja pikiran misti ada berlaenan dalem soeatoe hal. Dari itoe, lebi baek kita traoesa njataken pikiran dalem hal penghidoepannja Sri Maha Radja Leopold II, hanja serahken sadja aken ditimbang oleh satoe-satoe pembatja.