Halaman:ADH 0002 A. Damhoeri - Kaba - Si Domba Ameh.pdf/19

Halaman ini telah diuji baca

14.

3 . DALAM RIMBO GADANG

Karatau madang dibulu,

babuwah babung balun;

Marantau hambo dahulu,

dirumah paguno balun.


Ado kapado suatu malam,

bakato si Domba kapadi mandeh,

sarato pulo pado bapaknyo:

"Mandeh juo kato hambo,

sarato kapado bapak hambo,

hambo mukasuik pai marantau,

izin jo rela dari mandeh jo bapak."


mandanga kato demikian,

takajuik kaduo orang gaeknyo,

lalu manjawab malah mandek:

"Anak denai si Domba sayang,

usah anak sabuik pai marantau,

mandeh jo sia bang tinggakan,

kito balun panah bacarai,

samantang waang balun dari nan lain,

sayang jo kasiah bak itu juo.


Sabuwah pulo io, nak kanduang.

waang tak sarupo jo nan lain.