Halaman:ADH 0002 A. Damhoeri - Kaba - Si Domba Ameh.pdf/23

Halaman ini telah diuji baca

4. PULAU RAKSASA

Lauik banamo lauik Sakutoro,
ombaknyo sangaiklah gadang;
Kito taruihkan malah curito,
Domba ditapi lauik gadang

Alah dipandang-pandangi bana,
lautan nan aangaik gadang bana,
tidak tampak bateh jo tapinyo,
ombak nan sangaik gadang pulo,
badabua-dabua aalalu ka pasisianyo,
antab lautan apo kan namonyo

Disanan manyaru si Domba kiramat,
dikana-kana amanah ula gadang,
ado sabanta antaronyo,
alah tasumbua kapalo dari lauik,
iyolah kapalo ikan rayo,
gadangnyo sagadang kapa ketek,
lalu bakato ikan rayo:
" Mano cucu den si Bujang Domba,
manga ninik cucu himbau,
handak kamano garan cucu,
rantau dimano kan dituju,
nagari mano kan ditampuah ?