Djamaris mangadap tuan kumandur pagi pagi pukua salapan dikanakan badju djas putih djas putih tutup lijia pakai sarawa pintolon putih pakai topi suto bagai guru sadang maadja tampan rupo dipandangi pakai sipatu kalaf maminta pado Allah dapat handaknjo bakaradjo dek huntung takdir Allah sudah dilihat dipareso dapat karadjo dapat karadjo dalam kantua kantua ku djasa di Rengat gadji ketek tjukup makan tapi sungguah baitu sanang djua pikiran tingga di rumah Hasan Basri samo gadang hidup basuko basanang sanang kan ijo Sutan Djamaris pandai babaua djo nan banjak tahu manenggang hati urang samo karadjo dikantua tidak ado nan bantji samo elok maelok karadjo radjin tulisan rantjak tidak ado karadjo sasek tahu kuat balandjo pandai kuat baguru karadjo barasih hati2 takana adjaran mande.
Tigo bulan bakaradjo dibenum(9)djadi schrijfter(10)sekriper di kantua peide(11)dalam resor Indra Giri sanang hati Djamaris gadji batambah pulo — batambah radjin si Djamaris bakato hati hati huntung elok Djamaris balun satahun bakaradjo pindah karadjo ke Riau djadi polisi dipabean masuk resor Tandjung Pinang dalam wilajah Riau sadjak Djamaris djadi polisi banjak tangkapan nan dapek pajaludup ke Sungai pura banjak nan dapek barang galap pindah mantari Djamaris mantari polisi daerah Riau Djamaris ganti panuka.
32
