Halaman ini telah diuji baca
Malarikan Hutang
Didulang sadulang lai
Pandulang ameh dibungka
Diulang sadulang lai
paulang kaba nan tingga
Ditinggakan Sutan Djamaris disilau pulo Sutan Barbangso manggaleh di Koto Radjo Salamo tingga di Atjeh tidak tantu kadiodjok pikiran karu hati susah tidak ado galeh balabo usah balabo rugi nan lai hutang batambah djuo batambah hutang suok kida banjak urang nan tadjarek hilang aka Sutan Barbangso bamanuang baibo hati banjanji njanji ketek buah pantun baibo hati.
Lai bakato nan bak udang
Biluluak djuo nan basuo
Tidak karuntung dipangakan
Lai ditjinto nan bak urang
Nan buruak djuo basuo
Tidak kauntung dipangkan
Singkarak kotonjo tinggi
Simantung mandai dulang
Awan bararak ditangisi
Takana kampuang rantau urang
34
