Karatau disangko Madang
Kironyo biluluak padi
Marantau disangko sanang
Kironyo barusuah hati
Kain palakat badju sisikin
Pakaian anak Indragiri
Banjak urang bangsat miskin
Talabiah bana dibadan diri
Sadang banjanji njanji sorang takana anak di Medan takana pulo si Salima anak lurus elok laku tabajang mularat djo bininjo bangsat misikin djolong ka Medan Salima mamanting tulang manggoreng di laman kumidi parut gadang dalam hamia batanggang lalok tiok malam larut malam mako lalok. Takana sakit tigo bulan talatak di ateh lapiak Salima mandjago maubeki.
Pitih ditjari nasi ditanak gadang gunonyo si Salima tidak patut ka batjarai kato pikiran Barbangso bakato kato sorang tabayang parasaian djo Salima tidak patut ditjaraihi takana baik djandonjo manjasa batjarai djo Salima balaki djo nan lain anak den babapak tirih disuruah diarik bapaknjo kununlah bapak tirih sajangnjo singan bibia di hati namuah mangunjah bamatjam takana maso itu kini apo kadajo bautang sabalit badan tiok patang rang manunggu djandji Rabaa ke Satu habih saba rang mamintak urang diolok olokkan rintang djandji kadjandji mangadu urang ka polisi dituduah manipu manumbuk sansai djuo kasudahan kalau dilelang barang tingga saparampek hutang alun salasai baitu sanjak hutang tabit takut St. Barbangso takut bana kaurang Tjino, Tjino diumbuak batarang tarang mangadu urang Tjino dihukum masuak kurungan didjua barang nan tingga diborongkan habih habih — sabuah tidak nan tingga pado samalam itu sapitjiang tidak mato lalok nagari kaditurut rantau mano ka ditampuh bulat pikiran maso itu mukasud pulang ka
36
