— 26 —
kan, die tarook die apie; kalook soedah panas of medidie, lantas die tarook radjangan bawang merah 1 sendok makan en radjangan bawang poetih djoega sabegitoe; abis die goreng sampe koening. Kalook soedah, mie njang soedah die koekoos, die rendem aer dingin sebentar, abis die goreng sama bawang tadie. Kapan soedah rodo koening mienja, die tambahie ketjap ½ mangkok thee, taoetjonja sebegitoe en potong-potongan dagingnja aijam 1, sama oedang mentah (koepassan) 3 sendok makan. Mie-nja die angkat, abis daging en oedang die goreng sama ketjap en taoetjo tadie. Kalook dagingnja soedah mateng, mie-nja die tjampoor lagie; lantas die tambahie boeljon 4 mangkok thee, polong (peultjies) 1 piring thee, taoegé 1 piring thee, garem 2 sendok thee, meritja 2 sendok thee. Kapan gorengan inie soedah stengah mateng, lantas die taroekie koetjai, daon bawang en sledrie.
Kalook bamienja maoe die makan, die taroekie boeboornja en iris-irissan dadar. Boeboernja, njang die bikin; oedang mentah, njang soedah die koepas, 2 sendok makan, die masak sama boeljon 2 mangkok thee, meritja ½ sendok thee, en tepoong 1 of 2 sendok makan.
84. Aijam of bebek die isie mangga. (Kip of eend gevuld met manga.) Aijamnja njang gemook, die pottong 1 arie die moeka; abis lain arienja die masak sama aer sedikt; rempelo, djantoong atinja djoega die masak. Kalook soeah, rempelo, djantoong, atie itoe die tjientjang; abis die tjampoerie rendeman roti 1 potong, merahnja telor 2 en boeboor mangga 4 sendok makan, sama mentega 2 sendok makan, garem en rozijn sedikit; lantas die masookken dalemnja aijam tadie. Sasoedahnja, aijam itoe die mendjait, abis die masak lagie sebentar, lantas die bakar dengen pake apie die bawah en die atas.
85. Bikin kool merah. (Om roode kool te maken) Kool poetih 1 die radjang aloos, abis die masak sama aer. (Aernja, die masak lebie doeloe sama kembang sepatoe merah.) Kalook soedah, die tambahie anggoor merah 1 gelas besar, tjoeka ½ gelas besar, mentega 2 sendok makan en goela sarasanja.
86. Lapis aijam sama sous tamaté. (Thomate sous met
