„DIA. . . .”
oeroesan bagitoe, kita moesti bertjektjok, sedang kita baroe sadja berkenalan ?”
Bagitoelah Siok-nio dan iboenja masoek dengen dianter oleh Kim-djin.
Sekarang itoe gadis keliatannja ada menaro lebih banjak perhatian pada itoe orang moeda dan waktoe soeda sampe dalem pekarangan Pasar Gambir, Kim-djin tanja, apakah itoe iboe dan anak soeka ia menganter lebih djaoe atawa lebih senang djalan berdoeaan sadja, iboenja Siok-nio djawab :
„Kita aken girang sekali, djikaloe kaoe soeka menganter, boekankah bagitoe, Siok ?”
Itoe gadis manggoet.
„Kaoe brangkali lebih taoe apa jang berharga boeat diliat, engko,” kata itoe gadis, „Orang prampoean kebanjakan liwatin apa jang sabetoelnja paling berharga boeat dapet perhatian.”
Kim-djin manggoet, tapi ia mendapet pengrasa’an jang soearanja itoe gadis ada berbeda dari di waktoe pagi. Apa sebabnja ? Ini ia tida pikirin terlaloe lama ; ia soeda merasa sanget girang jang ia bisa berkenalan dengen itoe gadis jang tjantik. la malah boleh merasa beroentoeng, kerna, sedang ia poenja kontjo, Liang-hoen, tjoema boleh pandang itoe gadis dari djaoeh, sekarang ia, Kim-djin, boleh anter itoe gadis djalan-djalan, malah boleh djalan berendeng djoega!
12
