Halaman:Doea kapala batoe.pdf/112

Halaman ini tervalidasi


meester dari Vrymetselary, maka ia seboet djoega hal „symboliek“, „ritus“ dan „ceremonie“ berhoeboeng dengen pri kabangsa'an, sementara ia anggep bahasa Tionghoa tida begitoe penting bagi Hoa Kiauw.

Ia loepa bahoea „symboliek“, „ritus“ dan „ceremonie“ ada termasoek dalem Bahasa dan tida sabaliknja.

Sasoeda kariboetan Koedoes bebrapa pemimpin Boemipoetra dan Tionghoa telah bikin persidangan di Oen Tong Hwee Betawi boeat bitjaraken itoe perkara atawa bikin dami.

Di-sitoe toean Tan Tjoen Lee bitjara gegaba seperti biasanja, hingga kena dibanggel oleh toean-toean Tjokroaminoto dan Hasan Djaiadiningrat, jang djawab, marika tida dateng hadlir boeat masoek sekola, toean Tan Tjoen Lee bole simpen segala nasehatnja di kantong sendiri.

Demikian poen ia soeda maoe kasi les fatsal Khong Tjoe pada toean Tjoa Sien Tjing, jang paham segala podjokan dalem literatuur Tionghoa.



106