Halaman:Doea kapala batoe.pdf/27

Halaman ini tervalidasi


Kakaloetan.

Soeda doea poeloe taon orang Tionghoa di Hindia diterdjang oleh geloembang djeman baroe, seperti kapal jang soeda ilang kemoedinja, marika djadi limboeng di tenga laoetan. Satoe revolutie ada mengoelek dalem batinnja, hingga djadi boetek dan gelap, seperti satoe empang jang lagi diadoek, djadi kosong, seperti Tourgenief poenja Nihilist.

Ini doea poeloe taon dinamaken djeman kemadjoean.

Pada bebrapa taon doeloe satoe nona mantoe moeda saben hari dari pagi sampe sore soeka melongok di langkan depan roema mertoeanja di Soerabaja.

Engkong dari soeaminja achirnja menegor: — X, djangan soeka berdiri di-loear, nanti diliat orang koerang baek.



21