nganlah kaoe mengarap pada perkara jang moestahil; tapi biairlah kaoö senang hati sama persobatankoe, kerna akoe tida bisa membri satoe apa jang lain."
— »Ja, Mercedes! betoel sekali omongmoe itoe! Akoe nanti djadi sadja saorang jang hidoep di laoetan, dan sedang misti memake bangsa Catalaan poenja pakean jang kaoe bentji, akoe nanti pake topi koelit hitam jang gilap, kamedja kain genggang, badjoe kain blao dengan gambar djangkar di kantjing-kantjingnja. Boekankah orang misti berpake bagitoe, soepaja disoekai olehmoe?"
»Apatah jang kaoe maoe bilang?" kata Mercedes engan bermoeka asam; »apatah maksoed omongmoe itoe? akoe tida mengarti!"
»Akoe maoe bilang, Mercedes!" sahoet Fernand: bahoewa kaoe ini ada berhati keras dan kedjam kapadakoe, sebab kaoe ada toenggoe datangnja saorang, jang berpakean bagitoe. Tapi itoe orang, jang kaoe toenggoe, brangkali djoega tida berhati satia; kaloe dia tida bagitoe, boleh djadi djoega sang laoetan soedah tiada satia kapadanja."
— »Fernand! akoe ada sangka jaag kaoe ini berhati baik; tapi sekarang njatalah, jang akoe ada salah mendoega. Kaoe ini berhati boesoek, Fernand ! kerna aken dapatken kahendakmoe, kaoe ini soedah kadah amarah Allah. — Ja, akoe tida semboeni : memang akoe ada toenggoe datangnja dan ada tjinta ada itoe orang, jang kaoe maoe seboetken padakoe; sekalipoen ia tida datang kombali padakoe, tida
