dan ada koewatir, kaloe-kaloe ajer anggoer nanti ...njoetken itoe !"
Habis bilang bagitoe, teroes sadja Caderousse itoe menjanji bagini:
- »Ajer tawar minoeman orang-orang berdosa,
- Kiamat ajer djeinan nabi Noch kanjataännja.
- Jang takoet anggoer, dia haroes binasa,
- Haroes linjap dan moesna dari ini doenja!"
»Kaoe berkata, Toewan!" kata poela Fernand pada Danglars : »bahoewa kaoe hendak membri toeloengan kapadakoe ; tapi kaoe soedah maoe teroes berkata lagi."
»[..] sahoet Danglars: »akoe soedah maoe berkata bagini: tapi apa nanti tjoekoep adanja toeloengankoe, kaloe akoe adaken sadja satoe perkara, soepaja Dantes t'ada djadi kawin sama itoe nona jang kaoe tjinta? Akoe rasa kawinan itoe boleh djoega ditjegahken, sedang Dantes tinggal hidoep djoega."
»Melinken kamatian sadja bisa tjereken marika itoe satoe dari lain," kata Fernand.
»Kaoe ini mengomong seperti orang jang tida taoe satoe apa, sobat!" kata Caderousse; »tapi di sini ada Danglars jang amat tjerdik di antara orang-orang tjerdik; dia ini nanti njataken padamoe, bahoewa kaoe soedah salah pikir. — Hajo, njatakenlah itoe, Danglars ! Akoe soedah tanggoein kaoe ini. Njatakenlah, bahoewa tiada sekaU perloe aken Fernand ini memboenoeh Dantes ; lain dari bagitoe,
