sajang sekali, kaloe Dantes misti mati. Dia itoe satoe anak jang baik; akoe soeka sama dia! — Dantes akoe minoem slamat aken kaoe, Dantes!"
Fernand berbangkit, salakoe orang jang habis kasabaraunja.
»Biarken dia mengatjo!" kata Danglars, sambil memegang pada Fernand jang maoe berangkat menoemboek orang; »maskipoen ia mabok, omongannja tida samoewa salah. Kaloe Dantes disingkirken djadilah djoega ia terpisah dari itoe nona, sepe[...] tertjere oleh elmaoet; tjobalah kaoe ingat, saän[...] di antara Dantes dan Mercedes itoe ada temboknja pemboewîân, tiadakah sama djoega, seperti Dantes itoe ada di dalam koeboer?
»Ja, tapi dari dalam pandjara orang boleh kaloewar kombali," kata Caderousse, jang maskipoen soedah teramat poesing masih maoe djoega toeroet bitjara: »dan kaloe orang kaloewar kombali serta ada bernama Edmond Dantes, orang nanti membalas sakit."
»Itoe tida mengapa," kata Fernand.
»Lain dari bagitoe," kata poela Caderousse »mengapatah orang nanti pandjaraken Dantes? Ia tida memboenoeh, tida mentjoeri, tida meloekai...
»Diamlah!" kata Danglars.
»Akoe tida maoe diam!" sahoet Caderousse »akoe maoe biar orang bilang padakoe, mengapa orang nanti pandjaraken Dantes; akoe tjinta pada Dantes! aken kaslamatanmoe, Dantes!"
