'H I D O E P'
35
Kesemboehannja njonja Tjong-giok boekan berarti bahoea ia tida aken mati, hanja kesemboehannja itoe tjoema berarti penoendahan boeat sementara. lapoenja kepertjaja'an dan kekoeatan pikiran tjoema bisa menoenda datengnja iapoenja adjal boeat lamanja satoe setengah taoen.
lapoenja sakit djantoeng — jang memangnja tida baek betoel — telah kamboeh lagi dengen heibat.
Njonja Tjong-giok sehari brapa kali bersembahjang kepada Jezus Kristus dan kepada Toehan jang Maha Kwasa, pendita Ngo-héng poen saben hari tida alpa bersembahjang goena kehidoepannja itoe njonja jang baek. Tapi itoe permoehoenan telah sia-sia, njonja Tjong-giok tida semboeh hanja tambah heibat.
Soeatoe sore njonja Tjong-giok soeroean pergi panggil Tiong-gie. Kapan itoe pemoeda soedah berada di deket randjangnja, dengen didenger oleh Gwat-iem ia laloe kata: „Tiong-gie dan Gwat-iem, dalem kitab indjil ada diseboet: 'Allah mengasih hidoep, dan Allah tarik kombali'. Ini ada kodrat Toehan jang kita tida bisa membantah. Akoe, ma'afkenlah kaoe berdoea, adalah jang mendjadi bengawan mempisahken kaoe. Maka djika Toehan telah tarik akoe poenja djiwa poelang ka sorga, brentikenlah kaoe orang masing-masing poenja perselisihan, terangkep
