Halaman:Hikajat Khonghoetjoe.pdf/120

Halaman ini telah diuji baca

— 116 —

dan samoewa telah terätoer, baginda Aij Kong datang di itoe roemah aken berkati itoe, dan menjataken di hadepan orang banjak hormatnja pada Khongtjoe dengan lantaran berkata, jang ija pandang dirinja seperti Khongtjoe poenja moerid.

Tida berselang lama dari itoe tempo, ampirlah di saban negri, di dalam karadjaän baginda, ada didiriken satoe roemah pertandaän aken Khongtjoe, di mana sekalian orang boleh sembahken hormatnja pada tanda peringatan aken goeroe itoe.

Di dalam tahon 203 pada sabelon tahon Mesehi, tempo itoe roemah pertandaän di koeboeraanja Khongtjoe soedah djadi roesak baginda keizer Ko Hong Te diriken di tampat itoe satoe roemah pertandaan jang baroe, lebih bagoes dan lebih besar dari jang doeloe itoe; dan tempo berdjalan meme­riksa tanah-tanah di sabelah wetan, baginda sengadja mengikoeti djalan jang djaoehan, soepaja boleh datang ka roemah pertandaän itoe, aken bri kahormatan besar pada tanda peringatan aken Khongtjoe, dengan terïring oleh sekalian pengikoetnja. Komoedian ampirlah di saban kota ada didi­riken roemah pertandaän demikian itoe, dan dengan menoeroet toeladannja baginda keizer, sekalian poedjonggo merasa soeka aken bri hormat kapada Khongtjoe. Djoega ada ditantoeken oleh baginda, tiada saorang boleh dapat gelaran jang biasa dibriken pada poedjonggo, dan tiada satoe ponggawa boleh melakoeken djabatannja, djikaloe ija belon membri hormat kapada Khongtjoe di dalam roemah pertandaän jang didiriken aken goeroe itoe. Boekanlah sadja baginda keizer itoe, hanja keizer-keizer jang bertachta belakangan poen, sanantiasa membri toeladan pada rahajatnja aken bri hormat kapada Khongtjoe.

T A M A T.