6
dahulu kambali asa mandjadi Radjo siriah pulang kagagangnjo pinang suruiak kalampuaknjo baraikaik kiramaiak padja nangko.
Kan lo samaso itu badantuang patuih tungga kalam galap dalam rimbo baru tarang rimbo nantun rimbo mandjadi nagari tjukuik ustano djo maligai Sarato andjuang djo paranginan sarato balai karapatan rumah badiri bak tindawan kampuang rami nagari elok.
Babunji tarompet djo napiri bakiba marawa pandji pandji babarih sagalo tantara tjukuik Kapitan djo Dubalang Dubalang gagah barani tjukuik djo Manti Mangku bumi sarato basa ampek djinih,
Sanan manjambal, hambo rakjat babunji gandang djo sarunal hambo rakjat bahati suko,
Diliek pakaian radjo nantun babadju biludu batatah ameh batabua Intan djo biduri tasisik padang djinawi padang ameh baukia ukia batatah baragi nilam pudi.
Diliek pulo tuan puteri — babadju biludu sirah tuo batabua baukia2 amehparadah takanak dukuah intan bakarang sarato gandola intan pudi lakek diraham ameh bapadu salo manjalo intan pudi sangaik rantjak luan puteri barubah muko dipandangi babaliak rantjak maso gadih.
Tikuluak kodek kain aluih kain fjindai tanunan puti hakan sarupo kain rang kini djikok dikambang salaweh alam kalau dibalun sabalun kuku makin di pakai makin elok pantang Japuak kanai aia tidak lakang kanai paneh.
Lorong kapado anak nan lajia anak laki2 rantjak roman roman rantjak tampan elok sahari ado sahari banamo banamo si Budjang Gombang Alam.
Kalau diliek padja nantun batjajo muko dipandangi anak kiramaik djo batuah kasajangan bapa djo mande raso diambuih anak kagadang,
