4
Orang prempoean haroes taoe.
sedang harta itoe tjoema ada di dalem boekoe, kenapatah orang begitoe bodo boeat siasiaken itoe? Kitaorang jang hidoep di ini djeman blakangan, boleh dibilang soeda keliwat beroentoeng, sebab orang-orang doeloe jang tjapein hati soeda sediain begitoe banjak boemboe-boemboe boeat ke'enakannja kita, kita jang soeda boleh tinggal poengoet dengen troesah mengorbanken soeatoe apa djoea; Itoe pengatahoean jang Akimojang kita doeloe soeda dapetken dengen korbanken harta dan djiwanja, sekarang kita bisa dapet tjoema dengen bebrapa doeit sadja Boekankah itoe masi terlaloe moerah sekali? Apa lagi boeat satoe pengatahoean oemoem jang kita orang bangsa menoesia haroes taoe. Sedang boewat orang-orang prempoewan, baek poen jang bakal atawa jang soeda mendjadi iboe, kita rasa sampe besar faedahnja ini boekoe, kerna laen dari membikin iaorang bisa djadi beroentoeng, soeboer sehat, poen djoega ada bergoena sekali aken menghilangken rasa-penganggoeran dan membresihken segala bocah pikiran prempoean jang tiada djernih. Maka iboe-bapa orang jang pinter haroes membriken ini boekoe kapada anak-anak prempoewannja, sebagi sendjata besar boeat kahidoépannja marika di kamoedian hari-loewasnja. Swami jang baek haroes membriken ini kapada istrinja, jang aken mendjadi satoe iboe dan sobat-sobat jang baek poen wadjib pimpin kapada temen-temennja, pada siapa ia ada merasa tjinta. Itoelah memang sekali-kali tiada haroes orang moesti merasa maloe, sebab sesoenggoenja djoega boekoe ini ada sopan santoen dan boekan ketjil faedahnja bagi pembatjanja.
PIKIRANNJA ORANG-ORANG BERILMOE.
Lijst dari isinja ini boekoe liat seblah.
