TAO TEH KING.
ada satoe kabodoan ? (Ajat 8).
Lao Tze akoein teroes-terang jang dirinja betoel ada saorang gêndêng dan bêbêl, jang hadepken kaädaän doenia dengen merasa bingoeng, kerna tida tjotjok sama perasa'an dan setaoe-hatinja. Sedeng laen-laen orang kasih oendjoek kapandean dan kadjempolan jang gilang-goemilang, ia sendiri tinggal gelap dan soerem. Sedeng laen-laen orang begitoe radjin beladjar, goenaken otak boeat preksa, timbang dan oesoet sasoeatoe soeal jang manoesia atawa doenia sedeng hadepken boeat diperbaeki dan dibikin djadi lebih sampoerna, ia sendiri tinggal pelok tangan, tida perdoeliken satoe apa. (Ajat 9, 10, 11).
Lao Tze merasa di dalem ini doenia ia tidabisa dapet katentreman kapan moesti tjampoer segala oeroesan, hingga kaädaannja seperti itoe laoetan jang selaloe bergontjang tida brentinja dan bergerak teroes zonder mengaso. Maka maskipoen laen-laen orang radjin melakoeken ini dan itoe jang berfaedah, ia sendiri tida soeka bekerdja dan tida'mempoenjai djasa atawa pahala satoe apa . (Ajat 12-13).
Dan apatah toedjoeannja Lao Tze dalem ini kahidoepan ? Dengen membedaken dan memisahken diri dari orang banjak, ia merasa poeas dengen tinggal dalem kamoelja'an di dadanja iapoenja Iboe, jaitoe Tao ! (Ajat 14).
Begitoelah sasoedah akoein iapoenja segala tjatjat dan kabodoan, Lao Tze bri katerangan atas sebab dan alesan jang membikin ia ambil itoe sikep, jaitoe kerna ia ingin dapetken katentreman di dalem Tao jang besar, dengen bersatoe pada Natuur. Boeat sampeken ini mak-
90
