makan sasuok nak taga tulang anak kandung, katonyo Mande kandung duduk basimpuh dimuko anak, anak sakit talatak hampia sabulan maidokan mandanga kato Mande kato tidak badjawab tatilantang ditampat tidua badan kurui mato gadang tulang dado elok dibilang disudukan talua bakuah talua talatak dibibia indak pandai malulua manangis Mande kandung ajia mato gurak gumarai bakato Sutan Sati, laki di Upik nan sakik elok aliah ubek si Upik pailah Amai kaudjuang Ka rumah injik(3) dukun, ijik Maiti Kubang Putih.
Sabalum hari tinggi bana badjalan Amai dahulu dibari pitih ampek ringgit, kan ijo si Rombok diambiak pitih dilapiak bakato pado minantu nasi disanduk si Minah makan Sutan dahulu sudah bakato badjalan baunduang-unduang bugih hitam badjalan tadajuk dajuk pikiran pado nan sakit.
Lorong kapado Aminah dunsanak kandung di Upik disanduk nasi diedangkan bakato ka Sutan Sati makan Sutan nasi taedang mandjawab laki di Upik makan basamo-samo kito kakak dimano di Nain anak kito suruh makan karumah, mandjawab si Minah kami sudah makan Sutan Sati sorang nan tidak.
Kan ijo si Minah disilau anak ka halamananak sorang tungga babeleng kan ijo si Nain anak kandung si Aminah bapak bagala Sutan Djamaris gala sinan namo sinan, karadjo djurutulih, djurutulih angku palo badan mudo mata baru ado sabanta antaronyo pulang di kantua Sutan Djamaris, satu tibo duduk baselo baselo tantang badan si Upik bakato Djamaris ka nan sakit pakuat makan kau Upik, nak taga tulang saketek, dirosok kaki si Upik mangatia batang pisang lali raso kakinyo, kaki kurus rupo mait, tidak ado badarah.
4
