Bakato Sutan Djamaris kamano garan amai kito, mandjawab Sutan Sati baliau pai minta ubek, ka rumah injik Maiti, mandjawab Sutan Djamaris, kalau kian minta ubek, insha Allah lai balaku — banyak urang nan sanang, mudjarab bana ubek baliau, kan ijo si Upik sabulan sakit talatak banyak dukun maubek, diturut dukun djauh hampia dimano mano dukun nan pandai diimbau maubek si Upik apo kaandak rang dukun tidak ado manambek baribu pitih habih kalua dipinggang lakinjo laki kajo garok pulo.
Sadang duduk basamo mandjago si Upik nan sakit ka rumah mande Rombok mambao ubek matjam matjam satu tibo duduk basimpuah dirameh paku ransam dirameh ulo pisang kalek tjukup sitawa sidingin sikumpai tjikarau (4) dirandam bareh pulut didajing kunjit dama tondes diminumkan si Upik dibarut badan sabatangnjo sudah barubek si Upik disambua lado ketek diasoki kumajan putih usah sakit ka sanang batambah labiah nan lai latih badan si Upik bakato si Rombok amai si Upik ruponyo ubek malawan urang maliek batambah tjameh pangana tak tahu didirinjo mande malihat baibo hati dikalang anak ditangisi kan ijo sahari itu adjal sudah bilangan sampai barpulang si Upik karahmatullah bondong ratok mande kandung manangis maratok si Minah adik kandung balahan badan kito baduo tingga sorang djo sia hambo ditinggakan.
Mandaki ka Sungai Buluah
Kakida dijalan kasubarang
Dimano hati indak kaluluah
Badan baduo tingga sorang
Maratok si Romboka amai si Upik nan mati dirameh parut dikampiskan maniting niting parut makin disabakan makin labih maratok babuah buah
6
