Simantung diparit putus
Djaradjak di tanah tanam
Tak dapek garagai lai
Tampar bagentung nan putus
tampat bapidjak nan taban
Tidak kamano manggabai lai
bagulik gulik maambun parut datang Datuk nagari Labih bakato ke si Rombok tidak elok ditangisi urang djambak nan punyo kito ka pai kian djuo mandanga kato Mak Datuk tantang si Rombok sunji rumah nan gadang panuah rumah urang mandjanguak duduk baselo tangah rumah bakato Datuk Tinggi manolah kito nan basamo malam bahabih minjak siang bahabih hari elok dikali pusaro si Upik sagalo induak induak badjalan maambiak ajia sudah mandi dikapan ka rumah Labai Sutan disambajangkan basamo sudah sambajang didoakan dibao ka tanah nan lambang ka rumput nan lajua pakuburan pandan birudo hari elok urang banjak lakeh salasai pakuburan.
Sudah sambah manjambah mando’a baratik batahalil pulang urang hanjo lai lorong kapado Sutan Sati suami si Upik nan mati sabar sajo paratian harto Allah pulang ka Allah sakitu lamo paruntungan.
Tidak guno dirandang katjang
Dipilih arah tjiek tjiek
Diambiak nan babungo
Tidak guno dipapanjang
Dikumpa dipasingkek
Diambiak sajo nan paguno
8
