Si Rombok ka Medan
Ado sapakan antaronyo tibo si Diris Sutan Barbangso dunsanak si Upik nan mati anak si Rombok nan tuo badunsanak balain apak si Rombok bapak balaki baranam balain bapak balain anak anak sarupo anak andjing sorang bapak sorang anaknjo tidak ado laki nan tahan mulut tjipeh kalaki batjaran sakali sapakan tidak ado urang nan elok padusi akok kapitih elok katiko kajo mularat urang ditjampakkan .
Surek tibo hari Sabtu satu tibo pulang sakali kini baru injo sampai salapan hari di rumah maliek pusaro adiknjo ibo hati Barbangso tidak maliek adik sakit hati di kampung tidak sanang babaliak ka Medan anak baranam ditinggakan hati di dalam tidak sanang darah didado turun naik.Pado hari barisuak dibao mande ka Medan.
Rumah lapang di Patisah mandjua tilam(1) di pasa mulo Barbangso ka Medan anaknya baru baduo marasai mularaik laki binji dapek pagi baalah patang bapajah pajah maka makan mantjari baduo laki binji kalau dilijek si Salima binji Sutan Barbangso samo mantjari kaduonjo samo samo mamanting tulang baijo baelok elok razali batambah djuo — tabali ringgit ameh bakarang kadaijan batambah gadang.
10
