Sadjak baranak baranam anam anak Salima susun paku huntung pulo mande datang mande kandung Salima banamo si Timah Tandjung — Salami Mande tingga di Medan tidak ado manantikan tangan lapeh mamasak manggulai mantjutji satinggi duduak — anak digendong dibau pai kapakan mambali bali tidak dapek duduak sabanta ateh sarupo babu badaso nasi sapiring babali bali djo tulang tatapi baitu barek karadjo sajang kapado anak tjutju karadjo barek disangko ringan Salima duduak dikadaijan pandai mambali madjua.
Kan ijo si Rombok ditjaliak bini anaknjo tagentong ringgit dilijia hati tidak sanang diranding dikias minantu sarato mande Salima njato anaknjo baranam anak sadjamba makan — asato pulo malonggok(2) indak paibo ka minantu patut si Bujung marasai indak lakek kain elok mamikua batuang djo ureknjo banjak kias djo banding muntjuang si Rombok indak baagak lalu landang angin lalu tagunting hati si Timah bagai disaid djo sambilu mulut tadjam bagai pisau ditahan hati manahan malu tadanga djo minantu urang ado bapangadja indak sarupo Rombok tjipeh padusi akok dilabo.
Indak tatahan kato si Rombok badjalan si Timah mande Salima ka rumah anak sorang lai anak tingga di Balawan paningga mande badjalan sempit hati si Salima indak kamano ka dikadja batanak manggulai ka dapua mambali bali ka pasa anak didukung di balakang kain banjak nan kumuah(3) manjasah batimbun timbungaleh di pasa tingga pulo laki tak pandai baretong indak sekolah maso ketek banjak rugi pado labo — nan dikandung batjitjiran nan dikaja indak dapek hati sampit pikiran karu si Rombok mamalak pulo anak diasuang tiok sabanta digili dipitanah manjuruh tjarai djo bininjo diganti bini nan lain katonyo si Rombok kan ijo.
12
