mandanga kato damikian tasirok darah di dado badjalan ka rumahkan ijo si Minah sangat takut djo amainjo tidak ado mambantah kato tidak tasahuti indak tatantang muko mande takut malawan ka mande elok buruak dituruit pantang injo mandjawab mande tinggi gensi kalau basuo nan buruak ditakan dado manahan hati mande akok kaharato mangaut mangaih ka dado mambagi gadang ka awak asa si Rombok kabuliah bia diupek ditjaratjo indak ado malu padusi tamak lobo bakato Mande Minah hambo ka rumah guru Dunia manjangkau ka minantu djundjungan anak kandung bukan guru sumbarang guru guru kapalo gadji gadang manurut djandji di karang pandan nan diukua tigo hari bulan dimuko kiro kiro limo baleh hari hari djumaat kasurau sahari itu injo pulang — mandanga kato mande kandung manangih si Aminah sirah mato manahan tangih injo tahu di guru itu urang gaek banjak bini tiok kampuang injo babini anak banjak baserakan kalau dietong bininjo labiah dari tigo puluh tjarai disiko nikah kian angku guru rimbang mato hati tinggi malangik urang disangko budak urang kan ijo si Aminah kato mande indak badjawab badjalan ka bilik manangih manahan hati lorong pado guru Dunia tuo dari bapaknjo.
Sawah Lunto bapaga kawek
Kawek sampai kadurian
Awak mudo balaki gaek
Arok murah pantjarian
Ka lurah kaTaruko
Mantjari dama kaminjak
Dek ulah Amai Tjilako
Si Minah balaki banjak
Abih hari baganti hari abih pakan baganti pakan tibo njanji nan ditakuak kan ijo sahari itu rami urang di rumah ado mamasak
54
