―15―
anak moeda jang terkenal oleh orang banjak sebagi „Tjoete idoeng poeti”
la ada satoe menoesia jang bersifat binatang ; harta jang ia baroe trima, tida laen ia goenaken boeat dapetken prampoean-prampoean jang tjantik-tjantik ; tapi sasoedanja ia merasa bosen, itoe menoesia jang berhati binatang tida nanti merasa kesian boeat sepak itoe prampoean, jang soeda mendjadi tjilaka lantaran ia poenja perboeatan.
Prampoean pementopan dan mata doeitan, inilah jang gampang sekali masoek di dalem ia poenja djebakan, tapi prampoean jang soetji dan alim tida nanti bisa terganggoe oleh itoe kongtjoe idoeng poeti.
Entjim A Sie soeka sekali maen kartoe di roemanja itoe prampoean toea, kerna di itoe tempat orang-orang prampoean selaloe maen besar-besar, siapa jang kepoetoesan oewang poen boleh dapet pindjem dari itoe Tjoete idoeng poeti.
Sebagimana pembatja taoe, di itoe pagi 'ntjim A Sie tjoema dapet doeit satoe roepia setenga dari anak prampoeannja, maka itoe ia djadi tida brani toeroet maen, dan soeda adjakin kambratnja maen sadja lowak setenga, semata sepeser, tapi tida ada orang jang maoe toeroet kehendakannja, maka itoe ia djadi terpaksa doedoek menganggoer liatin orang laen maen.
Satelah itoe prampoean toea dapet liat jang 'ntjim A Sie tida toeroet maen kartoe, ia laloe menanja : „Kenapa njonja tida maen ini hari !”
„Goea lagi boke, Isah !” djawab 'ntjim A Sie.
„Masa njonja tida ada poenja doeit !”
„Betoel, Isah !”
„Kaloe begitoe pindjem sadja sama Baba di sebla, dia ada lepasin oewang panas, kaloe njonja maoe pake, saia
