― 17 ―
wang. la poenja soewami ada saorang Tionghoa totok; ini ada gampang sekali boeat kila aboein matanja!" kata itoe setan alas sembari teroesken omongannja dan berbisik-bisik di koepingnja itoe Tjoete-idoeng-poeti, dan kemoedian ia berkata: „Saia tanggoeng tentoe ini tipoe bisa berhasil bagoes!"
Itoe lelaki biadab lantes boeka dompetnja kasi keloear tiga lembar oewang kertas dari sepoeloe roepia dan seraken pada itoe prampoean kedji.
Itoe oewang tiga poeloe roepia lantes di kasi pada 'ntjim A Sie, jang koetika trima itoe cewang, hatinja djadi sanget girang dan lantes doedoek berdjoedi.
Dasaran peroentoengannja sial, maka ia tarik kartoe dapet kartoe jang djelek, ia tida dapet laen dari pada kasoet, njonja dan koetjing, maka ia poenja doeit hingga abis sama sekali telah di bawa lari koetjing.
Pada waktoe sore ia poelang di roema dengen roepa jang sanget doeka, ia tida taoe, tjara bagimana ia bisa bajar itoe oetang; lantaran pikirannja terlaloe koesoet soeda timboel ia poenja penjakit zenuw, hingga ia soeda djadi mara-mara dengen tida keroean.
„Kamana Asoek loe Manis ?" tanja sang iboe pada anak prampoeannja. Blon poelang !" menjaoet si Manis.
„Koerang adjar toea bangka tida taoe diri, begini waktoe blon djoega bisa poelang, sedari kapan ia soeda keloear?"
„Dari pagi meh!"
„Brapa doeit ia soeda ambil !"
„Tiga koeat meh!"
„Dia maoe boeat apa itoe doeit?"
„Katanja boeat bli madat !"
„Tjis! laki sialan, engga laen maen ambil doeit sadja, tapi ia sendiri tida maoe tjari!"
Iboe jang doerhaka.
2.
