– 22 –
djedjaka, jang di panggil si Hok, baeklah disini kita tjeritaken lebi djaoe tentang itoe anak moeda.
Ia ada anak lelakinja toean Tek Boen jang orang toeanja soeda kasi ia nama Keng Hok, oemoernja baroe doea poeloe taon. Koetika ia baroe beroesia toedjoe taon iboenja jang tertjinta telah meninggal doenia, djoestroe pada itoe waktoe ia masi ada di Tiongkok. Maski koetika itoe ia ada satoe anak jang masi ketjil, lantaran otaknja enteng dan soeka bladjar ia soeda bisa masoek didalem klas Kho Teng Siauw Hak.
Toean Tek Boen memang soeda lama telah tinggalken tanah aernja, dan dateng di Betawi bocat tjari pengidoepan; kerna ia bisa sekali berlakoe himat dan radjin, hingga boeat bebrapa taon sadja ia soeda mampoe boeka satoe waroeng ketjil didalem kampoeng. Koetika ia dapet kabar bahoewa istrinja jang tertjinta telah meninggal doenia, ia telah djadi sanget menjesel, bahoewa seblonnja ia bisa membri kesenangan tjoekoep pada itoe istri jang tertjinta, ia poenja Njonja soeda lebi doeloe berlaloe dari ini doenia jang fana!
Pikirannja djadi sanget ketarik pada si Keng Hok, jang soeda tiada mempoenjai iboe lagi; ia pikir jang itoe anak di Tiongkok tentoe tida bisa di rawat baek dan dapet pimpinan jang sampoerna, maka itoe ia laloe foelis sepoetjoek soerat pada familienja disana, djika ada orang jang hendak brangkat kamari, ia minta itoe orang toeloeng adjak si Keng Hok dateng ka poelo Djawa.
Tatkala si Keng Hok dateng ka Betawi, ia soeda baroesia doeablas taon, di itoe waktoe Tiong Hoa Hwee Koan blon berdiri, maka itoe ajahnja soeda kasi ia masoek di djihoh blakang Bio Klenteng.
Tapi setelah kita poenja bangsa di ini Insulinde soeda
