III
TIPOENJA MENOESIA KEDJI !
Dengen roepa jang doeka si Manis telah toenggoe-toenggoein datengnja 'ntjim Kampret boeat dapet taoe boekahan Tjap-dji-ki di Tanah Lapang.
Lantaran soeda terlaloe lama ia doedoek menoenggoe, hingga ia soeda djadi moerka pada itoe 'ntjim jang blon djoega dateng, dan djadi merasa tjoeriga djoega, bahoewa ia poenja pasangan telah kena dan oewanguja itoe 'ntjim soeda bawa lari !
Djem sembilan 'ntjim Kampret barce dateng dengen roepa jang girang ia berkata: „Nona poenja pasangan kena !“
„Kena !“ di oetjapken poelah oleh si Manis jang tadinja ada kasi toendjoek moeka asem, tapi sekarang telah beroba djadi girang.
„Betoel nona !“
„Mana doeitnja tiga poeloe roepia !“
„Na, trimalah ini wang doewa poeloe toedjoe roepia, kerna saja potong tiga roepia boeat saja poenja wang persennja,“ kata 'ntjim Kampret, sembari seraken di tangannja si Manis itoe djoembla-an wang.
„Kenapa 'ntjim potong sampe begitoe banjak !“
„Nona soeda dapet oentoeng, toch tida kenapa kaloe bagi 'ntjim tiga roepia boeat 'nijim poenja oewang soesa !“
Lantaran ini pembitjarahan ada di oetjapken dengen soewara jang sanget kras, hingga soeda bikin sedar itoe ajah pemadatan, jang laloe boeroe-boeroe keloear boeat minta bagian dari anak prampoeannja poenja doeit, tetapi dasaran
