— 41 —
„Tjoete-idoeng-poeti itoe lantes sadja kiserken krosinja laloe doedoek lebi deket pada si Ros.
„Dimana nona bli ini badjoe begini aloes kaennja?”
„Di Pasar Glap toko Sin Hong Hin!”
„Pantes betoel nona pake ini badjoe !” kata itoe tjoete-idoeng-poeti, sembari pegang-pegang itoe badjoe, ia raba orang poenja boeah tete.
„Ach djanganlah begitoe dong orang poenja Enko pegang-pegang!” kata si Ros dengen mesem.
„Masa kenapa sih!”
Itoe menoesia kedji telah djadi semingkin brani, setelah ia meliat si Ros di pegang-pegang badannja tida djadi goesar dan laloe ia mengglendot dibadannja itoe prampoean moeda seperti anak ketjil jang aleman, sembari oesoet-oesoet orang poenja pipi, ia berkata: „Litjin betoel koelitnja !”
Si Ros poen lantes membales tjowel-tiowel pipinja si tjoete-idoeng-poeti; hawa napsoe birahi dari ka doewa orang moeda moelain berkerdja, hingga ia orang berdoea saling berpelok tjioem.
Itoe istri bopan telah doedoek di pahanja si tjoete-idoeng- poeti dengen mata jang genit, samantara itoe lelaki kedji memelok dengen keras orang poenja badan dan marika berdoewa maen saling tjioem-menjioen satoe sama laen bereboe-reboe kali.
Natuur poenja pengaroe ada sanget besar: djika satoe lelaki bertjampoer gaoel dengen saorang prampoean, jang boekan mendjadi istrinja, bole di oepamaken, benzine di kasi deket sama api, tentoe misti terbit keonaran. Maka kita bangsa Tiong Hoa haroeslah djangan meniroe adat istiadat bangsa Barat tentang pergaoelannja antara lelaki dan prampoean jang begitoe leloeasa.
„Nona kita pinda adja ka sebla!” kata itoe tjoete-
