— 48 —
Tatkala lotjeng mengoentaraken djem ampat, semoea prampoean pementopan-pementopan lantes pada boebar, kerna ia orang takoet ketaoean oleh marika poenja soewami, kerna soeda deket sampe waktoenja itoe orang-orang lelaki jang ada begitoe latjoer dapet istri pementopan, poelang kerdja.
Ach, kesian sekali itoe Sianseng², jang soeda korbanken tenaganja boeat tjari wang, tapi iaorang poenja gadji soeda di boewang dengen sia-sia di atas tiker oleh marika poenja istri pementopan!
Itoe iboe doerhaka sasoedanja brenti maen lantes samperken anak prampoeannja jang ia soeda djoeal boeat terbebas dari oetangnja, djoestroe pada itoe waktoe si Ros kebetoelan lagi kloear dari itoe pintoe resia.
„Ajo poelang, Ros!” kata itoe iboe djahanam.
„Memang djoega sedari tadi Ros soeda maoe poelang tapi ini Enko soeda tahan sama Ros!”
„Owee soeroe dia poelang, dia engga maoe poelang katanja ia lebi soeka ikoet owee dari pada poelang ka roemanja ia poenja soewami !”
„O! bisa adja ni 'ngko !” kata si Ros laloe djebiken bibirnja.
„Entjim! noesa 'ntjim adjak si Ros dateng lagi kamari ja !”
„Adjak si bole asal sadja ada oepanja jang besar!”
„Nah owee kasi oepanja lebi doeloe sepoeloe roepia !” kata itoe tjoete-idoeng-poeti jang laloe kasiken itoe oewang di tangannja itoe iboe jang temaha.
Setelah ia abis biljara dengen terboeroe-boeroe itoe iboe doerhaka sama ia poenja anak prampoean laloe kloear dari itoe sarang djoedi, menoedjoe ka gang Terate.
„Loe poegi mana, sampe poegini wakioe waloe poelang !” tanja sang soewami, koetika meliat istrinja poelang.
Seblonnja sang istri, jang berhati serong bisa mendjawab
